Jamita Minggu, 29 Maret 2009

Ev. Psalm 43 : 1 - 5

1. Turpuk on termasuk do tu kumpulan ende Bani Korah (42,49,84,87 dan 88) Bani Korah ima sada keluaarga besar parende namarende di bagas joro. Pangkilaan nadao sian Debata dohot keinginan naeng pajumpang tu Debata,digambarhon do tu sada ursa namengembara di sada dolok natongon tartutung sude angka duhut-duhut ala ni ari logo (gersang,kering). Ibana manghirim wadi = aek godang na mengalir di musimna, asa boi ibana minum dohot paudut ngoluna. Songoni ma parpsalmen on mauas tu Debata, ai holan Debata do natuk mengalehon ngolu nasasintongna.

2. Panurat ni turpuk on manghirim bagas joroni Debata, ala ibana maringanan di luar negri ima di Sirya di sada dolok Hermon (sebelah barat daya Damaskus dan Timur Laut Libanon), di son adong do mata mual aek Jordan jonok dolok Mizar. Parpsalmen on mangolu di tongatongani halak sipelebegu (kafir) namenekan panghilaanna ala ni haporseaonna dohot pengakuanna tu Debata. Ibana manghilala tarsirang (tarasing) sian angka donganna jala dao sian Debata. Dibagasan panghirimon natung mansai bagas diingot ibana hinauli namarminggu di bagas joro nadi Jerusalem. Ibana manghirim Debata mamboan ibana mulak muse tuinganan i. Thema ni turpuk on Ima: Panghirimon di bagasan putus asa,putus harapan. Songon dia ma hita manghirim di bagasan nasoadong panghirimon (pengharapan). On ma sada sungkunsungkun nanaeng alusan ni turpuk on. Alusna ima: dalam situasi nasongon I panghirimon satu-satunya ima Debata. Holan Debata ma nagabe sintuhu ni panghirimonta.

3. Harapan/keinginan ido ngolu ni angka naporsea. Hatiha bangso Israel haruar si Misir,sering do nasida naeng putus asa mangadopi penderitaan dohot hamaolon na niadopan ni nasida, male, maus,alam dalan nanangkok dohot natuat,parporangan sian masyarakat nahumaliangna. Alai Debata marhite-hite si Musa torus do mangalehon panghirimon tu nasida, ima ngolu nadumenggan jala merdeka/bebas molo nasida sahat tu tano kanaan. Di jaman namodern on pe panghirimon tu Debata pe tung mansai ringkot do. Hamajuon dohot teknologi namangalehon kemudahan boido mambaehen jolmai krisis panghirimon. Ai marhite teknologi I boi mangalusi dohot membutuhi sungkunsungkun dohot kebutuhan ni jolma. Globalisasi namambahen portibion gabe jonok jala sompit justru gabe gladiator pamunu dohot pasisihon torop jolma dohot abgka produk lokal. Songon halak naporsea, tarjou do hita mamboan panghirimon tu angka jolma na mangolu di abad 21 on.

4. Adong do sada-sada tingki hita manghilala dao sian Debata dohot sian bagas joroNa. Di situasi nasongon i hita manghilala hira holan nasahalak kita di tonga-tongani naribur/keramaian, panghilaan on songon istilah: songon tanggiang na hapuloan. Hal namambahen I ima: ala soporsea tu Debata. Sahalak warga Jahudi naselamat sian korban pembantaian tentara tentara Nazi gabe ateis alana ibana sandiri mamereng angka donganna namartangiang mangido pangurupion sian Debata asa malua nasida,alai Debata dang saut ro sahat tu namate nasida ditembak.Di dok ibana ma: “Debata nungnga mate ninna ibana”. Pangirimon ni ibana tu Debata nungnga magobe. Dang di boto ibana be Debatantai ima Debata nadohot menderita di bagasan penderitaan ni naporsea tu Ibana. Ai sitoha tentara Nazi menyiksa nasida sasintongna nasida nungnga menghina dohot menyiksa namanompa nasida ima Debata.

5. Adong do pandohan namandok: “satu-satunya orang gila di tengah-tengah orang-orang gila adalah orang waras”. Naporsea tu Debata sering mengalami kesepian marhite integritas dohot sikap di ngoluna. Sitoha korupsi gabe budaya dohot merajalela dingolu ni angka jolma dohot nahumaliang na, ibana sandiri dang olo korupsi. Angka donganna menilai ibana naoto ala soolo ibana ikut arus. Saat halak berlomba mengalului huaso marhite menghalalhon segala cara gok dosa dohot kejahatan moral ibana dang olo dohot tu si sikap nasongoni. Dang olo ibana bertindak kesempatan dalam kesempitan. Turpuk on mangarahon hita asa tong manghirim tu Debata hita didia pe hita mangula dohot karejo.

5. Mulak tu Bagas joro niDebata,manang marminggu tu Gareja,ima sada alus tu angka persoalan spritualitas ni masyarakat modern tingki on. Taciptahon ma parmingguan dibagasan nakondusip jala kekeluargaan ditingkion, ai na berkeluarga (namarhahaanggi do angka naporseai dibagasan Tuhan Debatanta i). Taboan jala tajalahi ma angka ruas naso olo robe marminggu tu bagas joro. Parmingguan di bagas joro i ido dalan marsaor dohot dongan sahaporseaon jala pajumpang dohot Debata. Laos disi do hita Mamuji Debata dibagasan las niroha dohot olop-olop.

6. Tajaou ma Debata dibagasan tangiangta,asa ibana tongtong mangondihon hita. Sada pangalaho naingkon ingotonta di ngolu on ima: asa sai manongtong hita marsaor dohot Debata marhite tangiangta siganup ari. Ai tasadari manang so tasadari ala perkembangan ni hamajuon dohot teknologi on dohot hinorhon ni kesibukanta di angka parkarejoanta gabe jotjot do lupa hita manjou Debata di ngolunta nang di tonga-tongani keluarganta marhite tangiang nataratur. Jadi diajari turpuk on do hita asa tongtong hita naporsea tu Debata sitolu sada I marposniroha jala marhaposan holan tu Ibana saleleng di ngolunta di portibion, jala unang ma tarlalap hita di hamajuon namarragam i. Taingot ma hata ni endentai: Tangiang do dalanta pajumpang dohot Debata.

SELAMAT DATANG

Selamat berjumpa di blog yang baru ini. Kiranya dengan pertemuan kita dapat bertukar pikiran, diskusi dan berfikir ke depan. Semoga!